काठमाडौँ: उच्च अदालत पाटनले नक्कली शरणार्थी प्रकरणमा मुछिएका बेचन झा र प्रतीक थापालाई थुनामै राख्न आदेश दिएको छ। जिल्ला अदालत काठमाडौँले थुनामा पठाएपछि उनीहरू उच्च अदालत पाटन पुगेका थिए।
न्यायाधीशहरू अन्जु उप्रेती ढकाल र कैलाशप्रसाद सुवेदीको इजलासले पुर्पक्षका लागि थुनामा पठाउने निर्णय सदर गरेको हो। जिल्ला अदालत काठमाडौँले २०८१ भदौ २ गते दुवैलाई थुनामा राख्न आदेश दिएको थियो।
नक्कली भुटानी शरणार्थी प्रकरणमा झाविरुद्ध पूरक अभियोग दर्ता भएको थियो भने पूर्व गृहमन्त्री रामबहादुर थापा बादलका छोरा प्रतीक थापाविरुद्ध सुरुमै अभियोग पत्र दायर गरिएको थियो। उनी त्यतिबेला फरार रहेका थिए।
पक्राउपछि अदालतमा पेश गरिएपछि पुर्पक्षका लागि थुनामा पठाइएको थियो। दुवै मुद्दा जिल्ला अदालतमा विचाराधीन छन्। यस प्रकरणमा नेपाली कांग्रेसका नेता बालकृष्ण खाण, एमाले नेता टोपबहादुर रायमाझी, र निलम्बित सचिव टेकनारायण पाण्डे समेत प्रतिवादी रहेका छन्।
