काठमाडौं : पछिल्लो २४ घन्टामा कोरोना भाइरस (कोभिड-१९) बाट थप २३५ जनामा संक्रमण देखिएको छ। स्वास्थ्य तथा जनसंख्या मन्त्रालयका अनुसार पछिल्लो २४ घन्टामा परीक्षण गराएका ९ हजार ८४ नमूनामा सो संख्यामा संक्रमण देखिएको हो।
७ हजार ८८५ नमूनाको पीसीआर र ११ सय ९९ नमूनाको एन्टिजेन विधिबाट परीक्षण गराइएको थियो। जसमध्ये पीसीआरबाट २२४ र एन्टीजेनबाट ११ जनाको रिपोर्ट पोजिटिभ आएको हो।
मन्त्रालयका अनुसार शुक्रबार कोरोनाबाट थप ४ जनाको मृत्यु भएको छ। यो सहित नेपालमा कोरोनाबाट मृत्यु हुनेको संख्या ११ हजार ५९४ पुगेको छ। यस्तै शुक्रबार थप २१२ जना डिस्चार्ज भएका छन्।
२४ जनाको भेन्टिलेटरमा र ८९ जनाको आइसीयूमा उपचार भइरहेको छ। यस्तै, २२८ जना संस्थागत आइसोलेसनमा र ४ हजार ६५१ जनाको होम आइसोलेसनमा रहेको मन्त्रालयले जनाएको छ।
हाल नेपालमा ४८ सय ७९ जना कोरोनाका सक्रिय संक्रमित रहेका छन्। पछिल्लो २४ घन्टामा १ लाख ३९ हजार १५२ जनाले कोरोनाविरुद्धको खोप लगाएका छन्।
