काठमाडौं : नेपाल प्रिमियर लिग (एनपीएल)को उद्घाटन खेलमा जनकपुर बोल्ट्सले विराटनगर किंग्सलाई ८ विकेटले पराजित गरेको छ। विराटनगरले दिएको १२८ रनको लक्ष्य जनकपुरले १५ ओभर ३ बलमा २ विकेटको क्षतिमा पूरा गर्यो।
जनकपुरका लागि मिलन्थाले अविजित ७५ रन जोड्दै ठूलो योगदान पुर्याएका छन्। अलराउन्डर हर्ष थाकेरले २९ रन बनाउँदा कप्तान अनिलकुमार साहले ५ रन बनाए।
त्यसअघि टीयु क्रिकेट मैदानमा टस हारेर पहिला ब्याटिङ गरेको विराटनगर १९ ओभरमा सबै विकेट गुमाउँदै १२७ रन बनाएको थियो। विराटनगरका मार्टिन गुप्टिलले सर्वाधिक ५५ रन जोडेका थिए। अकिव इल्यास १५ रन बनाउँदा अन्य खेलाडीले दोहोरो अंकमा रन बनाउन सकेका थिएनन्।
विराटनगरलाई सस्तोमा समेट्न बलिङमा जनकपुरका ललित राजवंशीले सर्वाधिक ३ विकेट लिएका। हर्ष थक्कर र किशोर महतोले दुईदुईर मोहमद मोहसिन र माइकले एक-एक विकेट लिएका छन्।
