काठमाडौं: प्रहरीले संयुक्त राज्य अमेरिकाको युनाइटेड हेल्थ केयरका प्रमुख कार्यकारी अधिकृत (सीईओ) ब्रायन थमसनको हत्यामा संलग्न व्यक्तिलाई सोमबार पेन्सिलभेनियाको अदालतमा पेश गरेको छ।
अदालतले अभियुक्त लुइगी म्याग्नियोनको जमानतको निवेदन खारेज गरेको छ । प्रहरीले नक्कली किर्ते र लाइसेन्स बिना बन्दुक राखेको आरोपमा पनि अभियोग लगाएको छ ।
प्रहरीले लुइगी म्याग्निओनलाई सीईओ ब्रायन थमसनको हत्यामा संलग्न रहेको पनि बताएको छ । पेन्सिल्भेनियाका अधिकारीहरूले न्यूयोर्क प्रहरीले चाँडै हत्याको अभियोग दायर गर्ने अपेक्षा गरेका छन्।
म्याग्निओनलाई सोमबार बिहान अल्टोना पेन्सिलभेनियामा एक रेस्टुरेन्ट ग्राहकले देखेका थिए। ग्राहकले यसबारे एक कर्मचारीलाई बताए । यसपछि प्रहरीले अभियुक्तलाई नियन्त्रणमा लिएको थियो ।
ब्रायन थमसन अमेरिकाको सबैभन्दा ठूलो निजी बीमा कम्पनीका सीईओ थिए। उनको बुधबार म्यानह्याटनमा हत्या भएको
थियो ।
थमसनले सन् २००४ मा कर्पोरेट विकास निर्देशकका रूपमा कम्पनीमा काम गर्न थालेका थिए । उनी अप्रिल २०२१ मा सीईओ बनेका थिए।
