काठमाडौं । दक्षिण कोरियाले आफ्नो आपत्ति फिर्ता लिएपछि जापानको एउटा खानी युनेस्कोको विश्व सम्पदा सूचीमा परेको छ ।
साडो खानीलाई युनेस्कोको विश्व सम्पदा सूचीमा समावेश गरेकोमा दक्षिण कोरियाले आपत्ति जनाएको थियो । यस खानीमा दोस्रो विश्वयुद्धका क्रममा कोरियाबाट करिब २ हजार मानिसलाई जबरजस्ती श्रमका लागि राखिएको उसले बताएको छ ।
जापानले खानी सञ्चालनको सम्पूर्ण इतिहास पारदर्शी रूपमा खुलासा गर्न सहमत भएपछि दक्षिण कोरियाले आफ्नो आपत्ति फिर्ता लिएको थियो।
साडो सुन खानी त्यही नामको सानो टापुमा छ। सोह्रौं शताब्दीको सुरुमा यस खानीमा उत्खननको काम गरिएको थियो।
यो टापु ज्वालामुखी लाभाबाट बनेका पहाडहरूको दुई दायरा मिलेर बनेको छ, जसको बीचमा कुनिनाका भनिने समतल भूमि छ। यहाँ सुन र चाँदीको ठूलो भण्डार भेटियो।
त्यतिबेला यो खानी संसारमा सुनको सबैभन्दा ठूलो स्रोत थियो। तर अहिले यो खानी आकर्षणको केन्द्र बनेको छ ।
