काठमाडौं । संघीय संसद्अन्तर्गत प्रतिनिधिसभाको बैठक आज बिहान ११ बजे बस्दैछ। बैठकमा विनियोजन विधेयक, २०८३ माथिको छलफलका क्रममा सांसदहरूले उठाएका प्रश्नहरूको सम्बन्धित मन्त्रीहरूले जवाफ दिने कार्यसूची रहेको छ।
संसद् सचिवालयका अनुसार आजको बैठकमा शिक्षा तथा खेलकुद, विज्ञान, प्रविधि तथा नवप्रवर्तन, कानून, न्याय तथा संसदीय मामिला, पूर्वाधार विकास, गृह, ऊर्जा, जलस्रोत तथा सिँचाइ, परराष्ट्र, अर्थ तथा रक्षा मन्त्रालयसँग सम्बन्धित बजेट शीर्षकमाथि उठेका जिज्ञासाको जवाफ सम्बन्धित मन्त्रीहरूले दिनेछन्।
त्यसैगरी प्रधानमन्त्री तथा मन्त्रिपरिषद्को कार्यालय, राष्ट्रिय योजना आयोगको सचिवालय, उपराष्ट्रपतिको कार्यालय र राष्ट्रपतिको कार्यालयसँग सम्बन्धित बजेट विनियोजनबारे सांसदहरूले उठाएका प्रश्नहरूको पनि स्पष्टीकरण प्रस्तुत गरिनेछ।
मन्त्रालयगत छलफल र जवाफको क्रम सकिएपछि सभामुखले विनियोजन विधेयकअन्तर्गत विभिन्न मन्त्रालयका शीर्षकहरूमाथि दर्ता भएका खर्च कटौती प्रस्तावहरू निर्णयार्थ प्रस्तुत गर्ने कार्यसूची रहेको छ।
बैठकको अन्तिम चरणमा अर्थमन्त्री डा. Swarnim Wagle ले विनियोजन विधेयक, २०८३ पारित गरियोस् भन्ने प्रस्ताव संसद्मा पेश गर्नेछन्।
प्रतिनिधिसभाले आजको बैठकबाट आगामी आर्थिक वर्षको बजेटसँग सम्बन्धित महत्वपूर्ण प्रक्रियालाई टुंगोमा पुर्याउने अपेक्षा गरिएको छ।
