पार्टी सभापति गगन कुमार थापा ले कोइरालालाई रिक्त रहेको तरुण दलको अध्यक्ष पदमा नियुक्त गरेको जानकारी कांग्रेस केन्द्रीय कार्यालयका कार्यवाहक मुख्यसचिव कृष्णप्रसाद दुलाल ले दिएका छन्।
वैशाख २१ गते बसेको पार्टीको केन्द्रीय कार्यसम्पादन समितिको निर्णयअनुसार सभापति थापाले कोइरालालाई उक्त जिम्मेवारी दिएको विज्ञप्तिमा उल्लेख गरिएको छ।
पार्टी विधानअनुसार सांगठनिक म्याद समाप्त भएपछि तरुण दलको तत्कालीन केन्द्रीय कार्यसमिति स्वतः विघटन भएको थियो। त्यसपछि संगठनलाई पुनः सक्रिय बनाउन नयाँ नेतृत्व चयन गरिएको कांग्रेसले जनाएको छ।
नवनियुक्त अध्यक्ष कोइरालालाई निर्धारित समयभित्र तरुण दलको महाधिवेशन सम्पन्न गर्ने मुख्य जिम्मेवारी दिइएको छ। त्यसका लागि पार्टीले उनलाई ९ बुँदे कार्यादेशसमेत प्रदान गरेको बताइएको छ।
युवा राजनीतिमा सक्रिय कोइरालाको नियुक्तिसँगै लामो समयदेखि रोकिएको तरुण दलको महाधिवेशन प्रक्रिया अब अघि बढ्ने अपेक्षा गरिएको छ।
