Homeराजनीतिउपनिर्वाचन विशेष: इलाममा एमालेको क्लिन स्विप: १६ उम्मेदवारको जमानत जफत

उपनिर्वाचन विशेष: इलाममा एमालेको क्लिन स्विप: १६ उम्मेदवारको जमानत जफत

काठमाडाैँ । इलाम क्षेत्र नं २ को उपनिर्वाचनमा नेकपा एमालेले क्लिन स्विप गरेको छ ।
एमालेले क्लिन स्विप गर्दा १६ जना उम्मेदवारको भने जमानत जफत भएको छ।

त्यस्तै बझाङ प्रदेशसभा १ मा पनि नेकपा एमालेले विजय हासिल गरेको छ।

इलाम २ मा मंगलबार बिहान सार्वजनिक मतगणनाको अन्तिम नतिजाअनुसार एमालेका उम्मेदवार सुहाङ नेम्वाङ २७ हजार ७७२ मतका साथ विजयी भए भने उनका निकटम प्रतिद्वन्दी नेपाली कांग्रेसका डम्बरबहादुर खड्काले २१ हजार ९४२ मत पाए । यस्तै स्वतन्त्र उम्मेदवार डकेन्द्रसिंह लिम्बुले ११ हजार ४५७ मत पाउँदा अन्य उम्मेदवारले भने जमानत पनि जोगाउन सकेनन् ।

त्यस्तै, बझाङ प्रदेशसभा १ मा पनि एमालेकै उम्मेदवार दमन बहादुर भण्डारी ११ हजार ६१३ मतका साथ विजयी भए भने उनका निकटम प्रतिद्वन्दी कांग्रेसका उम्मेदवार अभिषेकबहादुर सिंह ११ हजार ३४६ मत ल्याएर पराजित भए।
त्यस्तै, माओवादी केन्द्रका उम्मेदवार जनकबहादुर बुढाले ३ हजार ८३१ मत पाए । यसबाहेक सो क्षेत्रमा अन्य उम्मेदवारले भने जमानत जोगाउन सकेनन् ।

उपनिर्वाचनमा इलाम २ मा माओवादीले एमालेलाई सघाएको थियो भने बझाङमा भने कुनै तालमेल थिएन । बझाङ्गमा यस अघिको निर्वाचनमा कांग्रेसले उपनिर्वाचनबाट एमालेले कांग्रेसको एक सिट खोस्न सफल भएको छ ।

 

सम्बन्धित समाचार

LEAVE A REPLY

Please enter your comment!
Please enter your name here

- Advertisment -spot_img

ताजा समाचार

धेरै कमेन्ट गरिएका